Друйскі касцёл наведалі пісьменнікі і музыкі з Мінску

Парафія Найсвяцейшай Тройцы ў Друі 21 верасьня вітала сталічных гасцей, якія ў рамках праекта "Мілашоўска-Мілашаўскія чытанні", пры падрымцы кампаніі "Будзьма", пасля нядзельнай літургіі зладзілі сустрэчу з парафіянамі.

Сапраўднай нечаканасцю была сустрэча з Аленай Масла, беларускай пісменніцай-казачніцай, якая піша казкі для дзяцей і падлеткаў. Журналіст і пісьменнік Міхась Шавыркін у сваім выступе засяродзіў увагу парафіянаў на асобе ксяндза Ідэльфонса Бобіча, які ў беларускай літаратуры выступаў пад псеўданімам Пётры Простага, увайшоў у нашую культурную і моўную гісторыю як празаік, драматург, публіцыст і перакладчык. 

Парафіяне таксама змаглі пачуць песні ў выкананні славутага барда, кампазітара і паэта Алеся Камоцкага, а таксама выступ навучэнкі музычнага каледжа, віяланчэлісткі Вольгі Прохар.

Цёплая і радасная атмасфера сустрэчы з творчымі людзімі дапоўніла духоўную сустрэчу людзей з Богам у друеўскай святыні.

З FB Syargey Surynovich