У 2003 годзе Яўген Матуль і Галляш Сялява разам паспрабавалі стварыць невялікі слоўнік браслаўскага слэнгу, і нават прэзентавалі яго на школьнай канферэнцыі ў секцыі лінгвістыкі. Сёння мы адлічбавалі гэты забаўны неадназначны слоўнічак, і хочам падзяліцца ім з шаноўнымі чытачамі.

---

 

СЛОЎНІК БРАСЛАЎСКАГА СЛЭНГУ (ВЕРСІЯ 2003 ГОДУ)

СКЛАДАЛЬНІКІ: ЯЎГЕН МАТУЛЬ І ГАЛЬЛЯШ СЯЛЯВА

---

Класны – добры, цудоўны

Шкаф, качок – моцны чалавек, вялізны па памеры

ДЫлда, бацЭла – 1. Тоўсты чалавек 2. Высокі чалавек

Братэла, брацельнік – брат

Сяструха – сястра

КірАпла – няспраўны чалавек

Шнуркі, чарапЫ – бацькі

Квадрат – марудны чалавек

Хор, краля, бабішча, чувіха – дзяўчына

Круцяк, мэн – аўтарытэт

Гопнік – той, хто слухае папсу

КЭлхан, калхазан – калгаснік

БарыгАн, сіняк, барыга – алкаголік

ВАфля, лох – неразумны чалавек

МАлец, ПЭцан – хлопчык

Мармон – багаты чалавек

Чэл, чувак – чалавек

МатУха – мама

Кавалак старасці – дзядуля

Тарпеда - жонка

ТупАк, сундук – неразумны чалавек

Бервяно – гультай

ДзішАк, аццтойнік – той, у каго нешта кепска атрымліваецца

Кадр, кадзер – 1. Смешны чалавек 2. Смешны выпадак

Мент, мільтон, фараон – міліцыянер

Чайнік – навічок

Лузер – той, хто прайграў

Вінер – той, хто выйграў

Гундос, удод – штосьці абразлівае?

Бубен, дыня, рэпа – галава

Па(э)тлы, валасняк, пэйсы – валасы

ПрЫча, прычасон – прычоска

Тарэц, табліца, рыла, морда, таблетка, заточка, пАча, шайба – твар

Ляпа, хлябальнік, хАвалка, хлябала – рот

Грыбы – вусны

Шнобель, насапырка, шнапАк, хобат, пятак, паяльнік, рубільнік – нос

ПацІрзаць хобат – высмаркацца

Зенкі – вочы

Лакатары, слУхаўкі - вушы

Труба – 1. Глотка, 2. Мабільны тэлефон

Фанера – грудзі

ДЫхалка - лёгкія

Мамон, мазоль – жывот

Трыбухі – вантробы

ПАкішы, грэблы – рукі

БітУха - біцэпс

КарАўкі, сучкІ, бананы – пальцы

Кастылі, капытЫ – ногі

Падсякаць, запасАць – заўважаць, лавіць у чымсьці

РубАцца – гуляць у што-небудзь

Сцябацца, угараць, лАхаць – смяяцца

Гнаць – маніць, хлусіць

Дрыхнуць – спаць

Хабаціць – забіраць

Глушыць, бухаць – выпіваць

Утачыць, умачыць, пальнуць – ударыць

Адрывацца - таньчыць

Вырубіць – 1. Здзівіць, 2.Раззлаваць, 3. Пабіць да страты прытомнасці

ВЫрубіцца – страціць прытомнасць

ПасЕяць – згубіць

ЗагібАць – перабольшваць

Жэрці, тачыць, хАваць – есці

Мачыць, тырыць – біць

Здрыснуць – знікнуць

ТрЭпаць, валІць – ісці

ЗрЫгваць, адвАльваць, увАльваць – сыходзіць

Стыбзіць, стырыць, стыбрыць, папёрці - скрасці  

ЗЫрыць, паліць, пасцІ – глядзець

Брынчаць, брэнькаць – граць на музычным інструменце

Бамбіць – 1. Рабіць што-небудзь вельмі актыўна, 2. Піць бомбу (0,7 л. віна)

Чпокацца, церэбонькацца, жмякацца, пердоліцца – займацца тым, чым займаюцца міжсобку мужчына з жанчынай

ПасІ! – Глядзі!

Папёрлі – Пайшлі!

ШкАры – штаны

Педалі – абутак

ЛапАтнік – гаманец, кашалёк

Яшчык – тэлевізар

Дэдзік – дэтэктыў

Зелень, капуста – даляры

Перо, кіларэз – нож

Маторка – маторная лодка

Шырка, шыраева – наркотыкі

Батл, пузыр – пляшка

БарЫла – таннае віно

Бамбасцер, бомбіна – 0,7 л. таннага віна

Малёк – 1. 0,5 л. таннага віна, 2. Хлопчык

Дзічка, пляска – удар

Угар – хохма

Мочка, месіва, тырылава, мачылава – бойка

Дронгі, вілы, каюк, крантЫ, кабздзец, капец, хавэлас – канец

Попс – поп-музыка

СІнь – 1. Танны алкаголь, 2. Алкаголік

Хабунька – хатка

Зашыбіся, чыпАта, вапшчЭ, чумова, чыпова, нішцяк, клёва – добра

Хай – прывітанне

Пакеда(ва) – да пабачэння

Мафон, мэфан – магнітафон

ВідАк – відэамагнітафон

Комп – кампутар

Цацка – кампутарная гульня

Бабло, бабкі, бабЫ – грошы

Фуфло, халява – што-небудзь бясплатнае

ВЫрубка, аут – 1. Моцная ступень ап’янення, 2. Страта прытомнасці

Юха – кроў

Кавалак каратэ – няўдалы прыём

Вертуха – удар нагой з развароту

Пешкарусам, пешкадралам – пешшу

Фігня, мізер, аццтой – невялікая частка, якая не задавольвае

Каша-тармазянка – чароўная рэч, якая запавольвае чалавека

Калёсы – 1.Таблеткі, 2. Машына

Потнік, сырок, бумеранг – шкарпэтка

ТрУлі – трусы

Кепарык, шапЕц – шапка

ДжУда – джынсавая куртка

ВафлЯ – слінька

Лафа – нічоганерабленне

Батарэя – шмат бутэлек запар

Тачка, матор, драндулет, корч, матор, таратайка – машына

Цынус (самы цымус) – штосьці найлепшае

Дэнс – дыскатэка

Бураціннік – любы ліманад