У Браславе адбудзецца кірмаш праектаў!

21 кастрычніка ў 18.00 у музеі традыцыйнай культуры запрацуе творчая лабараторыя ад грамадскай культурніцкай кампаніі “Будзьма беларусамі!” на тэму “Кірмаш праектаў: Маленькаму гораду – вялікія культурніцкія амбіцыі!”. Запрашаюцца ўсе цікаўныя і неабыякавыя!

На сустрэчы ва ўтульнай нефармальнай атмасферы разам абмяркуем пытанні, якія, верагодна, хвалююць многіх, а адказы на іх змогуць быць карысныя ўсім: 

- Як сродкамі культуры можна зрабіць гарадскую прастору Браслава ўнікальнай?
- Якія культурніцкія падзеі могуць прыцягнуць новыя турыстычныя плыні ў горад? 
- Якія культурніцкія бізнесы неабходныя гораду? Якія партнёры для гэтага трэба?