У Зараччы адслужылі паніхіду па загінулых героях

Нядаўна на брацкіх могілках у Зараччы, дзе пахаваныя воіны, якія загінулі падчас Вялікай Айчыннай вайны, сабраліся навучэнцы, педагогі Урбанскай школы  і настаяцель храма Успення Прасвятой Багародзіцы   пратаіерэй Анатолій Іваноў.

Сустрэча была прысвечана 70-годдзю Вялікай Перамогі над нямецка-фашысцкімі захопнікамі. Айцец Анатолій адслужыў паніхіду, і звярнуўся да школьнікаў са словамі: “Мы заўседы павінны памятаць пра загінулых. Дзякуючы іх подзвігу, мы жывём у незалежнай краіне, маем магчымасць вучыцца, размаўляць на сваёй мове, развіваць сваю культуру, захоўваць сваю веру”.   

Галіна Дудзевіч,

настаўніца Урбанскай ДССШ