Яшчэ не позна наведаць выставу, прысвечаную 10 стагоддзям Браслава!

У жніўні ў браслаўскім гісторыка-краязнаўчым музеі адкрылася выстава, прымеркаваная да 950-гадовага юбілея горада. Жыхары і госці Браслава здолелі пазнаёміцца з дзесяццю стагоддзямі гісторыі нашага слаўнага мястэчка. 

Экспанаты акцэнтуюць увагу на калекцыі прадметаў з археалагічных раскопак на старажытным гарадзішчы Замкавая Гара.

Раздзелы выставы змяшчаюць матэрыялы пра дзеячаў, якія мелі дачыненне да мінулага горада, знаёмяць з этнічным і канфесійным складам насельніцтва. Экспазіцыя напоўнена ілюстрацыямі, фотаздымкамі, адлюстраваннямі Браслава на гістарычных картах і планах, паштоўках, дзе паўстаюць віды вулачак, асобных пабудоў, Замкавай гары.

Браслаўшчына паказана і ў працах мастакоў.Тут вы пабачыце партрэты Аляксандра Ягелончыка, Станіслава Нарбута, Отана Гедэмана, рэпрадукцыі з замалёвак Напалеона Орды і Дзмітрыя Струкава, серыю малюнкаў Валерыя Зінкевіча "Гісторыя Браслава".

Нагадваем: выстава будзе дзейнічаць да 15 лістапада!